La urbo Tama (en japana lingvo: Tama-shi)
sin lokas en sudokcidenta regiono de
la gubernio Tokio (Tôkyô-to).
De la centro de Tokio ghi estas en la distanco de 30 km kaj
bezonas 30 minutojn per trajno.
Ghia urba teritorio, kiu ampleksas 21 km2,
estas okupita de Tama Montetoj.
"Tama" estas tiel malnova loknomo,
kiel ghi trovighas en la plej malnova poetaro en Japanio,
"Man'yôshû", redaktita en la 8-a jarcento.
Tamen la origina signifo de la nomo "Tama"
estas malcerta.
Char dum la antikva tempo Tama estis unu el la centroj
de Kanto Regiono (en tiu tempo oni nomis chi tiun regionon
"Azuma"),
malnova chefvojo trapasis nunan teritorion de la urbo Tama.
Tie, kie la vojo transiras la riveron Tama-gawa,
estis establita bariero.
Oni diras, ke "Sekido",
kiu estas malnova nomo de unu kvartalo en la urbo Tama,
devenas de chi tiu bariero
(en japana lingvo "seki").
Ankau nun la ponton, kiu transiras la riveron che la sama loko,
oni nomas "Sekido-bashi".
Ghis la 1960-aj jaroj chirkauo de la urboteritorio estis
kamparo kaj arbaro kovris la montetojn.
Tiutempe japana ekonomio estis altgrade kreskanta,
kaj tre multaj homoj enfluis en Tokion.
La popolnombro de Tokio eksplodeme plimultighis,
kaj tio seriozigis mankon de loghejoj por popolo en Tokio.
Pro tio Municipo Tokio (la gubernio Tokio) kaj
Japana Shtato projektis konstrui
grandskalajn loghkvartelojn en chirkauurobo de Tokio.
Tama New Town, kiu estas konstruata
sur Tama Montetoj, estas unu el ili.
La konstruado de Tama New Town komencighis en 1966
kaj ech nun ghi ankorau estas progresanta.
Lau la progreso de la konstruado plimultighis loghantoj
de la loghkvartalo.
Tiama kampara vilagho transformighis en loghejan urbon.
En 1976 naskghis la ekzekutiva urbo "Tama-shi".
Lau la censo en 1995, en la urbo Tama loghas 148 mil homoj.
La plejmulto de laboruloj, kiu loghas en la urbo,
laboras en Tokio, kvazau ili loghus nur por dormi.
Japanoj nomas tian urbon "bed-town"
(urbo por enlitighi).
La urbo Tama estas la plej tipa bed-town.
Al la Hejmpagho
skribita en la 11-a de Decembro, 1996
ishato@tt.rim.or.jp